Нашиот претседател и државен министер, г. Зулфикар Зејнула, во рамки на официјалната посета на Република Туркије, оствари средба со претседателот на Турската агенција за соработка и координација (ТИКА), г. Абдулах Ерен.
На средбата беа разгледани силните пријателски и братски односи меѓу Туркије и Северна Македонија, како и значајните активности што ТИКА ги спроведува во нашата земја во областа на образованието, здравството, културата и локалниот развој.
Исто така, беа разгледани нови проекти што би можеле да се реализираат во наредниот период, како и можностите за заедничка соработка, согласно со потребите на турската заедница што живее во Северна Македонија.
Нашиот претседател, г. Зулфикар Зејнула, ѝ се заблагодари на ТИКА за нејзиниот значаен придонес за Северна Македонија и турската заедница, а до претседателот на ТИКА, г. Абдулах Ерен, упати искрена благодарност за срдечното гостопримство и посветеното внимание.
← Вести
